我的箍牙過程記錄分享(三) 飲食篇 (附箍牙食譜)

@ 11月14日 三家村

人地話: 箍牙會瘦, 但牙醫已一早講了

唔係人人都會瘦, 有些人係會肥, 而我就係後者.

因為碌牙的位置在前面, 初初麻醉藥未過, 

直情控制唔到嘴唇, 會流血水(e~~~)

初時, 只可以用飲管吸水/ 奶昔/ 乳酸飲品之類

又凍又冷又高糖份的東西

食左一段時間, 就可以出街食熱的流質食物

例如粥、綠豆沙、糖水, 全部都係勁高升糖指數的食物, 

未認識TLS® 深入了解"升糖指數"之前, 會以為清淡相等於健康

蔬菜水果又好健康, 但唔識"升糖指數", 其實係跌落陷阱---即肥

之後就係咬到淋既野, 例如蒸蘿蔔糕、豆腐 

呢段時間, 我對 [[ 淋 ]] 既定義有重新認識

原來腸粉都唔太淋, 咬到我好痛 .><.

麥記薯條係好硬, 完全咬唔到 ..><,,

星期日返九龍城既教會
真係唔想再食粥喇, 附近剛好有甜品店
好味 ! 好飽 ! (呢兩三年應該可以試晒成個九龍城既糖水舖) XD

11月9日 澳門遊
其實成程都唔太想上鏡, 又擔心食唔到野, 影響心情
但原來又冇乜野 HOHOHO

竟然係食到豬扒包!! (因為我自備了小剪刀^^)

係得呢個有排食 (冰一樣的雪榚三文治)



11月11日 (私下記錄在面書)

現在是完成上箍後首次隔三星期才見牙醫的時間
這段期間每朝早都覺得牙好緊，嘴唇亦彊硬，要動一動鬆一鬆才行

食野時，只能用一邊的一舊補牙物質咀嚼食物

正面前排的牙完全咬不斷任何東西

(究竟其他人係點樣渡過呢 D 階段!?)

11月14日 跟好友JADE JADE去影相 ~^^~

雖然影得好靚, 但當還是未能克服心理上的"不能接受現在的樣子"

晚上去飲宴, 都有掙扎過...

究竟我食唔食到野呢? 

好彩! 仲食到, 只要整細粒一點、淋身的就可以了^^ 

11月16日 (私下記錄在面書)

今天是完成上箍後的第一個覆診日子

何醫生檢查一下看過後，就說進度唔錯（😊😊開心）

其實我自己每天都睇到D 牙仔有唔同, 

亦都會用手仔移動下, 奉主耶穌的名用說話祝福自己的牙快點移過來

(因上過堂知道: 信主的兒女說話亦有權柄, 可改變物質界)

之後解答了一些問題....

問題一：為什麼脫牙和上箍完成後一星期左右，會感覺到下面最後的兩邊牙箍有時會勾住皮膚？

答：是因為牙齒傾斜向入，調整後會企返直為一排，所以是好事來的

問題二：為什麼朝早起身的時候，牙齒會特別緊

答：咁代表你磨牙磨得幾嚴重（我：下！）

因為想嗰兩舊「浪」起牙的快點走，潛意識在晚上會磨牙，

以致牙較和肌肉會用力而且緊.

(聽完之後, 自已調節一下心裡想法, 真的沒那麼緊耶~)

原來箍牙, 要好好地調節一下心情、心理、飲食習慣...

終於比我諗到, 點樣維持健康"有營"又KEEP FIT 既飲食

<<我的箍牙食譜>>

就係將我原本要咬的, 全部放入攪拌機

材料:

番茄   三個

甘荀   一條

洋蔥   適量

青菜   一碗

香草   適量

1. 將所有食材切件, 放入蒸爐, 開火, 一舖熟

2. 先放番茄入攪拌機成為湯底

3. 再加入其他較硬身的食材

4. 倒出, 加上少許香草調味

超Easy but healthy ^^

下次再講出街外食餐廳推介

上一篇: 我的箍牙過程記錄分享(二) 上箍脫牙篇
下一篇: 我的箍牙過程記錄分享(四) 出外用餐小貼士