本身諗住2月尾就拆得, 可以去旅行前拆
點知D牙仔唔聽話
本應係下排牙全部移向前
點知.......
下排左邊的牙前三隻移動到, 仲過埋條中線
後三隻唔識轉彎移動
結果左邊的中間多左牙縫😩
左邊勁大條牙縫 !
去見牙醫都覺得奇怪
仲話下排牙移得太前
於是將左邊六隻連成一組 (右邊都係)
結果第二日下午
我已經見到D牙縫已經好快埋晒
下排牙又移後左
似乎已經正常返😍
於是即刻同醫生講, 約返2個星期後再見
剛好去完旅行回來😀
覆診見上下尖位仍然有空位
有機會是因為本身牙齒太尖有空隙
亦有機會是咬合未齊
於是轉個箍橡筋方法
左邊比較多空隙 : 這樣拉條橡筋箍, 超緊><
右邊輕鬆一點, 可以箍成三角形這樣
因為本身的牙比較圓
而門牙兩旁的牙本應是尖
睇下(最左邊) 完美牙齒MODEL 係比較正正方方的
我的版本是比較女仔D 圓碌碌Cutie D 既 (醫生講ga~~😛)
醫生都建議我補一下D角位
可以遮埋D 上下尖位中間的隙
補一補兩隻牙的角要比多$1000
本身都諗: 反正都要完美D 不如一次過整埋
之後先倒牙模
點知到了當日天
同女同事講
佢地都見唔到D 隙
而且平時笑的時候都唔會見到下排牙
唔覺眼的~~可能係自己睇自己先覺
建議我搵埋男友去
睇下係咪真的有需要補...
剛好佢放工時間趕得切來
評估一下個補和唔補的價值之後
都覺得唔需要了
慳返D 時間和金錢
於是我就帶著興奮的心情入去跟牙醫講
我決定了要拆了!!
牙醫都話: 我都想拆好耐了 (哈哈 !)
之後跟我說了一下拆的過程
拆鋼線 > 洗牙去漬 > 倒模 > Polish 磨光滑 (無記錯的話 )
拆鋼線
首先剪斷兩邊鋼線，再逐粒牙箍夾走
兩邊牙都無咩野，但一到門牙就勁痛😱
因為牙腳好軟，覺得D 牙就黎要反出來
洗牙去漬
本身D 牙易上黑色漬, 花了很多時間用粉清洗
以前超唔鍾意洗牙，每次會好敏感和酸軟
個人黎講唔怕D 聲
因牙齒太亂，牙腳露出
但今次洗牙好好多 ! 亦流很少血
倒模
放了一個套住排牙的架
然後用D 黃色好像泥膠般的東西塗滿一排牙
待乾取出
幸好無咩異味
整完下排整上排
Polish 磨光滑
超喜歡這項!!
以前用脷 High下 D 牙, 會Feel 到好凹凸不平
凹凸不平又會令牙齒表面易有黑色漬
但而家勁靚😇白滑牙
POST 了在FB~~
(興奮+漸大聲）拆左喇！拆左喇！拆左喇！
#心情好激動呀
😂😂😂#終於唔使清潔清咁耐啦
#唔使怕講外語發唔到音
#好想勁唱歌 #好想勁講英文/國語
#可以正常微笑
#可以正常咬蘋果
#多謝支持我箍既人
💗💗#年半就得左喇
👏👏👏#唔該何醫生
#多謝美安shop.com
#我以後會多點自拍㗎喇
#但星期一個樣特別衰
終於可以休息一下
等一星期拎固定器
上一篇: 我的箍牙過程記錄分享(六) 清潔+橡筋篇
下一篇: 我的箍牙過程記錄分享(八) 使用牙齒固定器+清潔+保養方法
沒有留言:
張貼留言