🇧🇳Brunei 汶萊旅遊初體驗🇧🇳Day 1

今次慶祝8th結婚周年紀念，想去一個既温暖又安全嘅渡假地方，遠離城市嘅繁囂，而東南亞國家當中，有一個我哋都未去過嘅國家，所以就選擇咗汶萊。一個被譽為「東方杜拜」，富有的石油國家，有汶萊王子，吳尊嘅出生地。

乘坐汶萊皇家航空✈️機上大部份都係印傭，佢哋轉機回家鄉，攞行李嘅運輸帶，只有幾個人係入境嘅旅客。到達汶萊機場🎫先發現我哋嘅漫遊數據plan都係唔包括汶萊(其實只係馬來西亞嘅周邊國家，估唔到會唔包)連機場兩間賣sim card嘅商店都關門，當時只係17:30左右。